പേജുകള്‍‌

‌

Geography എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
Geography എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

2016 ഡിസംബർ 24, ശനിയാഴ്‌ച

മൈമാപ്പ് ഉപയോഗിച്ചുള്ള മാപ്പ് പാഠ്യ പ്രവര്‍ത്തനങ്ങള്‍

ഏഴാ ക്ലാസിലെ സാമൂഹ്യ ശാസ്ത്രത്തിലെ ഭൂപടങ്ങളുടെ പൊരുള്‍ തേടി എന്ന പാഠഭാഗത്തിനും പത്താം തരത്തിലെ ഭൂതലവിശകലനം ഭൂപടങ്ങളിലൂടെ എന്ന പാഠത്തിന്‍റെയും അധികപ്രവര്‍ത്തനത്തിന് സഹായിക്കുന്നതാണ് ഗൂഗിളിന്‍റെ മൈ മാപ്പ് വെബ്പോര്‍ട്ടല്‍.
ഗൂഗിള്‍ മാപ്പിന് സമാനമായുള്ള ഈ പോര്‍ട്ടലില്‍ ഭൂമിശാസ്ത്രം,ചരിത്രം,രാഷ്ട്രമീമാംസ തുടങ്ങിയ വിഷയങ്ങളുടെ പഠനത്തിന് ഏറെ സഹായിക്കുന്ന ഏറെ പ്രവര്‍ത്തനങ്ങള്‍ ചെയ്യാനാകും.

ഗൂഗിള്‍ മൈ മാപ്പ് ഉപയോഗിച്ച് തയ്യാറാക്കിയ വിവിധ നാവിക പരിവേഷണ ധൗത്യങ്ങളെ സൂചിപ്പിക്കുന്ന മാപ്പ്


ചരിത്രപഠന ക്ലാസുകളില്‍ പ്രധാന സ്ഥലങ്ങള്‍ അടയാളപ്പെടുത്തണമെന്നിരിക്കട്ടേ.ഇതിനായി ഗൂഗിള്‍ മൈമാപ്പ് ഉപയോഗിക്കാം.ഉദാഹരണമായി ഗാന്ധിജി ദക്ഷിണാഫ്രിക്കയില്‍ നിന്ന് തിരിച്ചെത്തിയ ശേഷം സംഘടിപ്പിച്ച ആദ്യകാല സത്യാഗ്രഹങ്ങള്‍ നടന്ന സ്ഥലങ്ങളെ മാത്രം എളുപ്പത്തില്‍ കണ്ടുപിടിക്കണമെന്നിരിക്കട്ടേ.
മാപ്പിലെ ആ സ്ഥല ഭാഗത്ത് ഗാന്ധിജിയുടെ ചിത്രവും ചെറു വിവരണങ്ങളുമൊക്കെ ചേര്‍ക്കുകയും വേണം.ഇതിനായി ചമ്പാരന്‍,ഖേദ,അഹമ്മദാബാദ് , സബര്‍മതി എന്നിങ്ങനെ ആവശ്യമായ സ്ഥലങ്ങളുടെ പേരുകള്‍ ഏതെങ്കിലും സ്പ്രഡ്ഷീറ്റ സോഫ്ട് വെയറില്‍ ടൈപ്പ് ചെയ്ത് സേവ് ചെയ്യുക. (ലിബ്രെഓഫീസ് കാല്‍ക്കിലോ മൈക്രോസോഫ്ട് എക്സല്‍ തുടങ്ങിയവ ). ഈ ഫയലിലെ വിവരങ്ങള്‍ മാപ്പിലേക്ക് ഇംപോര്‍ട് ചെയ്യാനുള്ള സംവിധാനം ഗുഗിള്‍ മൈമാപ്പിലുണ്ട്.ഇതുവഴി വളരെ വേഗം എല്ലാ സ്ഥലങ്ങളും കൃത്യമായി കണ്ടെത്താനാകും.

ഇനി പത്താം ക്ലാസിലെ സാമൂഹയശാസ്ത്രം ഭാഗം രണ്ടിലുള്‍പ്പെടുന്ന ധാരാതലീയ ഭൂപടങ്ങളുടെ തയ്യാറാക്കലിനും ഒരു മാധ്യമമായി ഗൂഗിള്‍ മൈ മാപ്പ് ഉപയോഗിക്കാം. ഏതെങ്കിലും പ്രത്യേക ഭാഗം അടയാളപ്പെടുത്തി പ്രത്യേക നിറമോ ചിത്രമോ നല്‍കി തീമാറ്റിക് മാപ്പുുപോലെ തയ്യാറാക്കി സൂക്ഷിക്കുന്നതിനും ഇതിലെ ടൂളുകള്‍ ഉപയോഗിച്ചാല്‍ മതി.

മൈ മാപ്പിലെ മറ്റ് സൗകര്യങ്ങള്‍
  • രേഖകള്‍, രൂപങ്ങള്‍ ചേര്‍ക്കാം
  • നടത്തം,കാര്‍,ബൈക്ക് റൂട്ടുകള്‍ വേഗത്തില്‍ അടയാളപ്പെടുത്താം
  • പോയിന്‍റുകള്‍ രേഖപ്പെടുത്തി അവ തമ്മിലുള്ള ദൂരം അറിയാം
  • ചിത്രം , വിവിധ തരം രൂപങ്ങള്‍ ഉള്‍പ്പെടുത്താനുള്ള സൗകര്യം



2015 മേയ് 14, വ്യാഴാഴ്‌ച

ഉണ്ണിയേശുവിനെന്താണ് നമ്മുടെ കാലാവസ്ഥയില്‍ കാര്യം?


ജൂണ്‍ ഒന്നിന് ആരംഭിക്കുന്ന തെക്ക് പടിഞ്ഞാറണ്‍ മൗണ്‍സൂണിനേക്കാള്‍ ശക്തമായ വേനല്‍ മഴയാണ് കേരളത്തില്‍ ലഭിച്ചുകൊണ്ടിരിക്കുന്നത്.കടുത്ത വേനല്‍ അനുഭവിക്കേണ്ട മെയ് മാസത്തില്‍ കേരളത്തില്‍ കനത്ത മഴ ലഭിക്കുന്നതിനുള്ള കാരണമെന്താണ്? ഉണ്ണിയേശു സൃഷ്ടിക്കുന്ന പ്രശ്നങ്ങളാണ് അതിന് കാരണമെന്ന് വിദഗ്ദര്‍ പറയുന്നു.മനസ്സിലായില്ലേ ഉണ്ണിയേശു? ഒന്പത് , പത്ത് ക്ലാസുകളിലെ സാമൂഹ്യശാസ്ത്രം ഭൂമിശാസ്ത്ര പാഠപുസ്തകത്തില്‍ പഠിക്കാനുള്ള ഒരു അന്തരീക്ഷ പ്രതിഭാസമുണ്ട്. എല്‍ നിനോ പ്രതിഭാസം.സ്പാനിഷ് പദമായ ഇതിന്‍റെ അര്‍ത്ഥം ഉണ്ണിയേശു എന്നാണ്.19-ാം നൂറ്റാണ്ടില്‍ പസഫിക് സമുദ്രത്തിലെ മുക്കുവന്മാരാണ് ഈ പേര് നല്‍കിയത്.ഈ പ്രതിഭാസമാണ് ഇപ്പോള്‍ മഴ ലഭിക്കാനുള്ള കാരണമെന്ന് വിദഗ്ദരുടെ അഭിപ്രായം.ഇത് സംബന്ധിച്ച് ജോസഫ് ആന്‍റണി മാതൃഭൂമി ഓണ്‍ലൈനില്‍ വിശദമായി എഴുതിയിട്ടുണ്ട്.ഇവിടെ ക്ലിക്ക് ചെയ്ത് വായിക്കാം.
ഈ പ്രതിഭാസത്തിന്‍റെ വീഡിയോ ഫയല്‍.

2014 ഏപ്രിൽ 10, വ്യാഴാഴ്‌ച

സൗരയൂഥത്തിന് പുറത്ത് പുതിയ ഗ്രഹങ്ങള്‍


സൗരയൂഥത്തിന് പുറത്ത് പുതിയ 715 ഗ്രഹങ്ങള്‍ കൂടി കണ്ടെത്തിയതായി വാര്‍ത്ത.ഇതില്‍ നാല് ഗ്രഹങ്ങളില്‍ ജീവന് സാധ്യതയുണ്ടത്രെ.

ഭൂമിയേക്കാള്‍ ഇരട്ടി വലുപ്പമുള്ള ഗ്രഹങ്ങളാണ് ഇവയില്‍ കൂടുതലും .എന്നാല്‍ 95 ശതമാനവും നെപ്ട്യൂണ്‍ ഗ്രഹത്തേക്കാള്‍ ചെറുതുമാണ്.ജല സാനിധ്യം ഉറപ്പാക്കാന്‍ കഴിയും വിധം അകലത്തിലാണ് ഇവ നക്ഷത്രങ്ങളെ ഭ്രമണം ചെയ്യുന്നത്.


അമേരിക്കയുടെ ബഹിരാകാശാ ഗവേഷണ ഏജന്‍സ്(NASA) ആണ് ഈ വിവരം പുറത്തുവിട്ടത്.നാസയുടെ പുതിയ കെപ്ലര്‍ ടെലിസ്‌കോപ്പ് ആണ് ഈ പുതിയ ഗ്രഹങ്ങള്‍ കണ്ടെത്തിയിട്ടുള്ളത്.നൂറുകണക്കിന് പ്രകാശ വര്‍ഷം അകലെയെവിടെയെങ്കിലും ഭൂമിക്ക് സമാനമായ ഗ്രഹങ്ങളുണ്ടോ എന്നാണ് കെപ്ലര്‍ ടെലിസ്‌കോപ്പ് അന്വേഷിക്കുന്നത്.

ജനപ്രിയ പോസ്റ്റുകള്‍‌